ЏЕЈ ЛО ПОВТОРНО ГО ЗАПАЛИ ПАРИЗ Сите гледаат во нејзиниот смел фустан и не веруваат дека има 56 години

Џенифер Лопез повторно привлече внимание со своите беспрекорни модни комбинации. По присуството на големиот настан што медиумите го нарекоа „свадба на годината“ на Тејлор Свифт и Тревис Келс, популарната пејачка и актерка отпатува во Париз, каде уште еднаш покажа зошто важи за една од највпечатливите модни икони. Џеј Ло продолжува да ги воодушевува своите обожаватели, а многумина не можат да поверуваат дека има 56 години.

За време на Париската недела на модата, Лопез привлече погледи со своето вечерно издание. За излегување со пријателите, таа избра елегантен црн кадифен фустан со длабоко деколте, кој ја истакна нејзината фигура. Долгиот и тесен модел со кратки ракави беше дополнет со широк кожен ремен, а изгледот го заокружи со елегантни сандали со високи потпетици.

Нејзината препознатлива кафеава коса ја носеше исправена, додека минималистичкиот накит и црната клач чанта му дадоа дополнителна доза на софистицираност на целиот изглед.

Следниот ден, камерите ја снимија како го напушта хотелот во уште една впечатлива комбинација. Таа носеше модерни црни бермуди и необичен горен дел со пердуви инспириран од јакна, комбиниран со едноставен црн топ. Фотографиите со нејзината сестра Линда Лопез ги сподели со описот: „Сестрите го освојуваат Париз“.

Се чини дека француската престолнина ѝ носи посебна инспирација на Лопез, која оваа година често престојуваше во Франција. Неодамна таа приреди и изненадување за публиката со настап на сцената заедно со диџејот Давид Гета во Париз.

Џенифер Лопез беше и една од познатите личности кои присуствуваа на свеченоста на Тејлор Свифт и НФЛ ѕвездата Тревис Келс, одржана во Медисон Сквер Гарден. За таа пригода, таа избра долг црн фустан кој ја нагласи нејзината половина и се спушташе во раскошно здолниште, создавајќи уште еден незаборавен моден момент.