МИСТЕРИЈА ПОД ЗЕМЈА КАЈ ЦРНОБУКИ Откриени над 400 антички монети од заборавен град

Во текот на петгодишните систематски археолошки ископувања на локалитетот Градиште кај селото Црнобуки, Битолско, досега се пронајдени повеќе од 400 монети.

Колекцијата е дополнително збогатена со нови примероци откриени за време на годинешните истражувања, кои продолжија со целосно доистражување на древниот македонски град.

Координаторот на проектот, Енгин Насух, археолог советник-кустос во Завод и музеј Битола, истакнува дека меѓу движните археолошки наоди се издвојуваат и монети ковани во периодот на владеењето на македонскиот крал Филип Втори Македонски, таткото на Александар Велики.