ШТО НОСИ ПОСЕТАТА НА РОКАС ВО КИЧЕВО Средби, дебата и европски пораки
Амбасадорот на ЕУ ќе разговара со локалната власт, граѓанскиот сектор и жителите за европската перспектива на земјата.
Работната посета ќе започне со средба со градоначалникот на Кичево, Александар Јовановски, и членовите на општинскиот Совет. На состанокот ќе се разговара за европските перспективи, придобивките од идното членство во ЕУ, како и за влијанието на европската поддршка врз развојот на локално ниво.
Од Делегацијата на ЕУ во Скопје информираат дека посебен акцент ќе биде ставен на конкретните проекти финансирани со европски средства и нивниот придонес за подобрување на условите за живот на граѓаните во кичевскиот регион.
Во текот на посетата, Рокас ќе се сретне и со претставници на граѓански организации, а ќе учествува и на јавна дебата со жителите на Кичево, каде ќе бидат разменети мислења за евроинтегративниот пат на земјата и улогата на локалните заедници во тој процес.
