РАКЕТИ И ДРОНОВИ НАД РЕГИОНОТ САД започнаа нова воена операција против Иран
Централната команда на САД соопшти дека нападите биле насочени кон повеќе локации, меѓу кои и објекти поврзани со воен надзор.
САД започнаа нов бран воздушни напади врз Иран, при што цел биле повеќе локации, меѓу кои и објекти поврзани со воениот надзор и разузнавачката инфраструктура, соопшти Централната команда на американската војска (CENTCOM).
Од CENTCOM наведоа дека операцијата е извршена како одговор на, како што тврдат, континуираните напади на Иран врз комерцијалниот бродски сообраќај.
Според американското соопштение, по претходните напади врз ирански цели во петокот, кои уследиле по инцидентот со бродот „Ever Lovely“, на Техеран му била дадена можност да го почитува договорот за прекин на огнот. Сепак, Вашингтон тврди дека Иран го прекршил примирјето откако иранските сили лансирале дрон кој го погодил бродот „Kiku“ во саботата наутро.
Американската војска порача дека новите напади се дел од пошироката операција за заштита на поморскиот сообраќај и спречување понатамошни закани во регионот.
ТРАМП СО НАЈОСТРА ЗАКАНА Иран повеќе нема да постои, САД и Техеран разменуваат удари
