ДРАМАТИЧНО ВО ОН Итна седница по нападот врз автобус со деца – светот бара одговор

Советот за безбедност на Обединетите нации ќе одржи итна седница по повод нападот врз автобус во кој патувал млад белоруски фудбалски тим, соопшти вршителот на должноста постојан претставник на Русија во ОН, Ана Јевстињеева.

Според нејзините информации, состанокот е закажан за 29 јуни во 15:00 часот.

Русија тврди дека на 17 јуни украинските вооружени сили извршиле напад со беспилотно летало врз автобус во регионот Брјанск, кој превезувал младински фудбалски тим од Белорусија на пат кон одмор во Геленџик. Во нападот, според руските власти, загинала жена која ги придружувала децата, а осум лица биле повредени, меѓу кои и шест млади спортисти.

Рускиот Истражен комитет отвори кривична постапка и случајот го оквалификува како терористички чин.

Москва претходно го поддржа барањето на Минск за свикување итна седница на Советот за безбедност на ОН. Русија и Белорусија очекуваат телото на ОН да даде, како што наведуваат, „принципиелна проценка“ за инцидентот.

НАПАД ШТО ЈА ПОТРЕСЕ БЕЛОРУСИЈА Деца меѓу жртвите, бараат одговор од Украина