ВРЕМЕТО ДРАСТИЧНО СЕ МЕНУВА Температурите до 35 степени, па невреме

Според најновата прогноза на Управата за хидрометеоролошки работи, денеска (24 јуни) низ Македонија ќе преовладува нестабилно време проследено со дожд, грмежи и засилен ветер. Дневните температури ќе се движат од 13 до 35 степени Целзиусови.

Поради зголемената нестабилност во атмосферата, на одделни места се очекуваат поинтензивни временски процеси со пороен дожд, силни грмежи, засилен ветер и локална појава на град.

Во Скопје се прогнозира променливо и нестабилно време со дожд, грмежи и повремено засилен ветер. Во одредени делови од котлината постојат услови за краткотрајно невреме.