ВУЧИЌ СПРЕЧЕН ДА ЛЕТА ЗА МОСКВА По Литванија и Латвија му го затвори небото и забрани прелет

По одлуката на литванските власти, и Латвија ја забрани рутата на српскиот авион кон Москва, во кој требаше да патува претседателот на Србија, Александар Вучиќ дознава Национал.

Како причина за забраната, летонските власти ја навеле „политичката чувствителност околу целта на летот“. Ваквиот потег уследи по одлуката на Литванија, која ја оправда својата забрана со „техничка и дипломатска чувствителност“.

Претходно слична ситуација имаше и словачкиот премиер Роберт Фицо, кому му беше забранет прелетот над Полска и Литванија поради планираното учество на комеморативните свечености по повод 80-годишнината од победата над нацизмот, настан кој Русија го организира со посебен фокус на улогата на Црвената армија.

Од Кремљ денеска беше потврдено дека на 9 мај, за време на прославата на Денот на победата, рускиот претседател Владимир Путин ќе оствари билатерална средба со српскиот претседател Александар Вучиќ.

Ситуацијата дополнително ја комплицира веќе напнатата геополитичка клима, особено кога станува збор за односите меѓу Западот и Русија и улогата на Србија во тој контекст.