ТРАМП СЕ ЗАКАНИ Можно е САД да го преземат Гренланд со сила, очајно ни треба

Американски претседател Доналд Трамп повторно ја шокираше јавноста со изјавата дека не ја исклучува употребата на воена сила за преземање на Гренланд, територија што тој ја смета за клучна за безбедносните интереси на САД.

„Не велам дека ќе го направам тоа, но не исклучувам ништо. Гренланд очајно ни треба“, изјави Трамп во интервју за NBC News.

Трамп ја оправда оваа идеја со тврдење дека Гренланд е слабо населен и дека САД би се грижеле за неговите жители.

„Тоа е мала група луѓе за кои ќе се грижиме, ќе ги негуваме. Но, таа територија ни е неопходна за меѓународната безбедност“, додаде тој.

Во истото интервју, Трамп рече дека не планира анексија на Канада, иако повторно ја изрази желбата таа да стане 51-та држава на САД.

„Не го гледам тоа сценарио со Канада. Сепак, мислам дека би било одлично. Ја субвенционираме Канада со 200 милијарди долари годишно, а не ни требаат ни нивните автомобили, енергија или дрва“, изјави Трамп.

Тој додаде дека сè уште не разговарал за оваа тема со новиот канадски премиер, Марк Карни, но најави дека тоа може да биде предмет на разговор за време на планираната средба во Вашингтон.

„Јас сум човек за недвижности. Кога ќе ја погледнам картата, таа линија меѓу САД и Канада е само вештачка. Без неа, тоа би била убава, скапоцена земја.“

Во однос на руско-украинската војна, Трамп рече дека мирот можеби е на дофат, иако не го исклучува повлекувањето од преговорите.

„Ако продолжат да се борат, ќе кажам: ‘Добро, само продолжете да бидете глупави’. Но, мислам дека има добри шанси за договор.“

Тој го посочи интензитетот на омразата и траењето на конфликтот како главни пречки, но изрази надеж за позитивен исход.