ВЖЕШТЕНА ПОРАКА ОД ТЕХЕРАН ДО ТРАМП Прифати ги нашите барања или губиш сè

Портпаролот на иранското Министерство за одбрана, бригадниот генерал Реза Талаеи-Ник, остро го нападна американскиот претседател Доналд Трамп, оценувајќи дека е „заглавен во мочуриште на неиспровоцирана агресивна војна против Иран“ и дека единствениот излез е да ги прифати барањата на Иран и да ги почитува правата на иранскиот народ.

„Индиферентноста на Трамп кон националните интереси на САД, неговата блискост со ционистичкиот режим и арогантниот пристап само ќе ги вовлечат Соединетите Американски Држави подлабоко во воениот конфликт“, изјави Талаеи-Ник.

Според иранскиот медиум Пресс ТВ, тој предупредил дека игнорирањето на, како што рече, „разумните барања на иранскиот народ“ ќе донесе нови трошоци и порази за Трамп и „режимот во Тел Авив“.

Талаеи-Ник додаде дека признавањето на легитимните права на Иран, и на дипломатски и на воен план, е единствениот начин „американско-израелскиот блок“ да се извлече од конфликтот.