УЛТИМАТУМ ОД БЕЛАТА КУЌА – Трамп му брои денови на Иран, светот на раб на нова војна

Американскиот претседател Доналд Трамп изјави дека ѝ остава на Иран дополнителен рок од околу 2 до 3 дена, најдоцна до почетокот на следната недела, пред САД да донесат одлука за можни понатамошни воени чекори.

Пред новинарите пред Белата куќа, Трамп нагласи дека времето за договор е ограничено и повтори дека Иран не смее да поседува нуклеарно оружје.

„Подготвен сум да им дадам уште два до три дена, најдоцна до почетокот на следната недела. Времето истекува. Не можеме да им дозволиме да имаат нуклеарно оружје“, изјави Трамп.

Тој додаде дека, доколку Иран би дошол до нуклеарно оружје, последиците би биле сериозни за целиот регион, вклучувајќи ги Израел и земјите од Персискиот Залив. Според него, такво сценарио би довело до крајно опасна ескалација и „сосема поинаква ситуација“ во Блискиот Исток.

Трамп исто така изјави дека САД можеби ќе бидат принудени да преземат дополнителни воени дејствија, и дека Техеран, според негови зборови, покажува интерес за постигнување договор.

Покрај тоа, тој рече дека биле разгледувани и претходно планирани воени опции, но дека нивното спроведување било одложено по разговори со лидери од Катар, Саудиска Арабија и Обединетите Арапски Емирати, кои апелирале да се даде шанса на дипломатскиот процес.

Трамп нагласи дека постои можност за договор кој би бил прифатлив за САД и за земјите од регионот, доколку преговорите продолжат.