ПУТИН ПРИСТИГНА ВО КИНА – Дали оваа средба ќе го смени балансот на моќ во светот?

Рускиот претседател Владимир Путин пристигна во Пекинг во рамки на неговата државна посета на Кина, јавува РИА Новости.

Путин беше пречекан од кинескиот министер за надворешни работи Ванг Ји и почесна гарда со свечени церемонии.

Според официјалната програма, по приемот тој ќе се упати во резиденцијата за почесни гости.

Шефот на руската држава, на покана од кинескиот претседател Си Џинпинг, ќе престојува во официјална посета на Кина од 19 до 20 мај, по повод одбележување на 25-годишнината од Договорот за пријателство и соработка, изјави претходно Јуриј Ушаков, помошник на рускиот претседател.

Во руската делегација се наоѓаат осум министри, меѓу кои и министерот за надворешни работи Сергеј Лавров, како и пет вицепремиери. Во составот се и претставници на претседателската администрација, меѓу кои Јуриј Ушаков, портпаролот Дмитриј Песков и заменик-шефот на кабинетот Максим Орешкин. Делегацијата вклучува и бројни претставници на руски државни и приватни компании.

Во вечерните часови е предвиден свечен прием во чест на Путин, организиран од Си Џинпинг, по што ќе следи неформален разговор меѓу двајцата лидери на чај.

Путин ќе одржи и посебна средба со премиерот на Државниот совет на Кина, Ли Ќијанг, како и со кинескиот инженер Пенг Паи, кој како дете го пречекал Путин при неговата прва посета на Кина во 2000 година.