ЛИЧНИ ПРИКАЗНИ ПРЕТВОРЕНИ ВО МУЗИКА – Новите песни на Марко Андонов-Ацев

Марко Андонов-Ацев, музичар и автор, неодамна објави две свои авторски песни – „1-ВИ АПРИЛ“ и „МАЈСКИ ВЕЧЕРИ НА ДЕПРЕСИЈАТА“, за кои ги напиша и текстот и музиката.

Двете композиции произлегуваат од негови лични искуства и емоционални периоди низ кои поминувал.

Песната „1-ВИ АПРИЛ“ обработува теми поврзани со времето што минува, стравовите, животните промени и потребата од храброст за соочување со нив.

„МАЈСКИ ВЕЧЕРИ НА ДЕПРЕСИЈАТА“ е инспирирана од темата на депресијата и менталното здравје, прашања кои сè почесто се отвораат во јавноста, особено во мај, месецот посветен на подигнување на свеста за менталното здравје.

„Верувам дека не мора секогаш да пееме само за убавите страни на животот. И потешките периоди заслужуваат простор и искреност“, вели авторот.

Во знак на поддршка, „Национал“ ги споделува проектите на авторот со пошироката јавност.

1-ВИ АПРИЛ: https://youtu.be/zdN0Os_BWwY?si=O6lMcb9m6lzv2eNn

МАЈСКИ ВЕЧЕРИ НА ДЕПРЕСИЈАТА: https://youtu.be/86NT5UkIZ4o?si=ct4Dow6G4P72sCSz 

Screenshot

Screenshot

Screenshot

Screenshot