ИНЦИДЕНТ ВО ПЕКИНГ – Кинеското обезбедување ги блокирало американските новинари
Кинеското обезбедување предизвикало непријатна ситуација за американските медиуми.
Претседателите на Кина и САД денеска го посетија Храмот на небото, еден од најпознатите историски комплекси и туристички атракции во Пекинг. Но, посетата беше засенета од непријатен инцидент што предизвика тензии меѓу американските новинари и кинеското обезбедување.
Според американските медиуми, кинеското обезбедување не им дозволило на американските новинари веднаш да го напуштат комплексот по завршувањето на посетата на претседателите Доналд Трамп и Си Џинпинг.
Ситуацијата, како што пренесе NBC News, станала доволно напната што персоналот на американската администрација морал да интервенира и да побара новинарите да бидат пуштени да си заминат.
По краткото фотографирање, двајцата лидери прошетале низ древниот храмски комплекс, кој веќе два дена бил затворен за посетители поради високата државна посета.
„Одлично место, неверојатно. Кина е прекрасна“ – му рекол Трамп на Си за време на прошетката.
Храмот на небото е еден од најзначајните симболи на кинеската историја, каде императорите од династиите Минг и Ќинг се молеле за добра жетва и принесувале жртви.
Новинарите двапати поставиле прашања дали за време на средбата се разговарало за Тајван, но ниту Трамп ниту Си не дале одговор.