ДРАМАТИЧЕН ПОВИК ДО ОН – Иран бара стоп за Израел

Иранскиот амбасадор во Обединетите нации, Амир Саид Иравани, повика Советот за безбедност на ОН да преземе решителни мерки и да го принуди Израел целосно да го почитува прекинот на огнот во Либан.

Во своето обраќање, Иравани нагласи дека Советот мора да обезбеди Израел „итно да ги прекине сите напади врз цивили и цивилна инфраструктура“ и да ги повлече своите сили од Либан.

Тој истовремено ги осуди нападите на САД и Израел врз Иран, како и израелските воени активности во Газа, Западниот Брег и Голанската Висорамнина.

Апелот беше упатен за време на дебата за состојбата на Блискиот Исток, при што Иравани повтори дека меѓународната заедница мора поактивно да реагира на ескалацијата во регионот.