ВОЕНИ ЕКСПЕРТИ ОД 30 ЗЕМЈИ ВО ЛОНДОН – Се пишува план за иднината на Ормускиот теснец

Во Лондон, воени експерти од повеќе од 30 земји ќе одржат дводневни разговори за идните чекори за повторно обезбедување на слободниот морски сообраќај низ теснецот. Целта е да се изработат детални планови за меѓународна мисија која би го заштитувала бродскиот транспорт, соопшти британската влада.

Според информациите, повеќе од 10 држави веќе изразиле подготвеност да се приклучат на мисија предводена од Велика Британија и Франција, кога безбедносните услови во регионот ќе дозволат таков чекор. Ова следува по неодамнешна видеоконференција на која учествувале околу 50 земји од Европа, Азија и Блискиот Исток, а која делумно се толкува и како порака до САД, по изјавите на Доналд Трамп дека Вашингтон не бара дополнителна помош од сојузниците.

Британскиот министер за одбрана Џон Хили изјави дека состанокот има за цел да ги претвори дипломатските договори во конкретен оперативен план за заштита на слободата на пловидба и поддршка на траен прекин на огнот во регионот.

На разговорите ќе се анализираат воените капацитети, командно-контролните системи и начинот на распоредување на силите. Според британските власти, целта на планот е повторно отворање и стабилизирање на Хормускиот теснец по воспоставување одржлив мир.