ТЕЛЕВИЗИЈА АЛФА ВО ЦЕНТАР НА ИСТРАГА – Перење пари преку реклами, СДСМ со сериозни обвинувања во кривичната пријава
Киривчната пријавата опфаќа повеќе физички и правни лица, меѓу кои и сопственик на медиум.
СДСМ поднесе кривична пријава до Јавното обвинителство, изразувајќи сомнежи за наводна организирана шема на перење пари, даночно затајување и фалсификување деловни книги.
Во пријавата се опфатени повеќе физички и правни лица, меѓу кои и Питер Шац, мнозински сопственик на Алфа ТВ, како и управителите на „Таргет Медиа“ и „Алфа Скоп“ ДОО, за кои се наведува дека постои основано сомнение за повеќе кривични дела.
Според наводите, од 2017 година наваму преку меѓународна мрежа на трансакции биле префрлени околу 2,85 милиони евра од странство кон Македонија, кои потоа, наводно, завршувале во Алфа ТВ.
Средствата, како што се тврди, биле прикривани преку фиктивни договори за маркетинг и рекламни услуги со компании без реална економска активност на македонскиот пазар.
Исто така се наведува дека преку т.н. „шел“ компании се заобиколувале законските одредби за транспарентност во медиумската сопственост и финансирање.
Финансиската полиција, според овие информации, веќе констатирала постоење на „сомнителни маркетиншки услуги“ со цел прикривање на потеклото на средствата.
Дополнително, постојат сомнежи за склучување нелогични договори и внесување неточни податоци во деловните книги со цел легализација на сомнителен капитал.
Во суштина, пријавата се однесува на сомнежи за перење пари преку фиктивни рекламни услуги и прикриено финансирање.
Од СДСМ апелираат Јавното обвинителство и другите надлежни институции итно и без селективност да постапат, да ги обезбедат доказите, да се замрзнат сомнителните финансиски текови и да се утврди евентуална одговорност.