НЕ САКАМЕ ЕУ – Новата градоначалничка од партијата на Ле Пен го тргна занмето на ЕУ
Снимката од отстранување на знамето на ЕУ предизвика лавина реакции на социјалните мрежи и политички реакции во Франција.
Видео од француската политичарка Карла Мути, која победи на градоначалничките избори во Кан, стана вирално откако се појави снимка на која таа го отстранува знамето на Европската Унија.
Снимката предизвика бурни реакции на социјалните мрежи, особено поради симболиката на потегот кој следеше веднаш по нејзината изборна победа. Мути, која се поврзува со десничарските политички струи во Франција, наводно е дел од политичка линија која остро ја критикува бирократијата на ЕУ и нејзиното влијание врз националните политики.
Нејзината партија се залага за поголем суверенитет на Франција, вклучително построги гранични контроли и поостра имиграциска политика. Победата на Мути се толкува како дел од поширок тренд на засилување на десничарските движења во земјата.
Во меѓувреме, неколку новоизбрани градоначалници од сличен политички спектар веќе презеле чекори за отстранување на знамињата на ЕУ од општинските згради, потег што дел од француската јавност и институции го оценија како провокативен и популистички.
Партијата поврзана со Марин Ле Пен, која бележи раст на поддршката и има амбиции за највисоката политичка функција во Франција, продолжува да ја зајакнува својата позиција на локално и национално ниво.