МИЛАН ГО КРОИ НАЈГОЛЕМИОТ ПОТЕГ – Доаѓа ли Левандовски без обештетување?
Левандовски пред нова европска авантура А Милан бара решение за проблемите во нападот.
Роберт Левандовски, 37-годишниот полски напаѓач, наводно е понуден на Милан како потенцијално засилување за следната сезона. Неговиот договор со Барселона истекува на лето, па постои можност да се пресели на „Сан Сиро“ без отштета. Милан, кој бара квалитетен голгетер за да ја зголеми својата конкурентност, гледа интересна шанса во еден од најдоказаните стрелци на модерниот фудбал, пренесува Gazzetta.it.
По настапите за Борусија Дортмунд, Баерн Минхен и Барселона, Левандовски би можел да побара нов предизвик во уште еден голем европски клуб, а токму Милан се споменува како можна дестинација. Неговите агенти, според информациите, активно разгледуваат опции, а амбициите на „росонерите“ за враќање на врвот во Европа се вклопуваат во таа приказна.
Искусниот Полјак би можел да биде решение за проблемите со реализацијата во нападот на тимот кој моментално е меѓу водечките во Серија А. Во тековната сезона има 12 првенствени голови за Барселона и вкупно 17 на 39 натпревари, што и понатаму го потврдува неговиот голгетерски инстинкт. Иако возраста е фактор, можноста да се донесе врвен стрелец без трансферна сума го прави атрактивна опција на пазарот.
Милан не е единствен заинтересиран клуб, бидејќи и Јувентус внимателно ја следи ситуацијата околу напаѓачот. Главниот предизвик би можела да биде неговата висока плата, но во клубот се очекува да се направат финансиски анализи околу евентуален договор.
Левандовски зад себе има импресивна кариера исполнета со голови и трофеи. Од почетоците во Полска, преку блесокот во Дортмунд со 103 погодоци, до доминацијата во Баерн Минхен каде постигна 344 гола и освои Лига на шампиони и други големи трофеи. За Барселона има постигнато 118 голови од 2022 година.
Тој е трет најдобар стрелец во историјата на Лигата на шампионите, зад Кристијано Роналдо и Лионел Меси. За репрезентацијата на Полска има 165 настапи и 89 голови, а во кариерата повеќе пати бил најдобар стрелец во најсилните европски лиги, со над 700 постигнати голови вкупно.