ОРБАН ДРАМАТИЧНО ПРЕД ИЗБОРИТЕ – Сè што изградивме може да се распадне

Унгарскиот премиер Виктор Орбан порача дека на земјата ѝ се потребни единство, стабилност и национална хармонија, оценувајќи дека во овој период не треба да има поделби и внатрешни конфликти.

Во видео порака објавена на социјалните мрежи, тој истакна дека претстојните избори се клучни за иднината на Унгарија, наведувајќи дека граѓаните не избираат само влада, туку и насока во која ќе се движи државата.

Орбан се пофали со резултатите постигнати во изминатите 16 години, меѓу кои, како што рече, создавање нови работни места, враќање на ММФ, воведување дополнителни пензиски бенефиции и зајакнување на граничната контрола. Тој предупреди дека постигнатото може да биде загрозено поради, како што ги нарече, надворешни и внатрешни притисоци.

Според него, постојат обиди за политичка дестабилизација и влијание врз изборниот процес, при што ги обвини противниците за организирање протести и ширење хаос. Затоа повика на обединување и поддршка за владејачките партии.

На предизборен митинг во Дебрецен, Орбан повтори дека Унгарија нема да испраќа војници, оружје или финансиска помош во Украина, нагласувајќи дека на земјата ѝ е потребна „национално ориентирана влада“.

Тој додаде дека изборите се особено значајни и за Унгарците надвор од државата, порачувајќи дека во период на безбедносни и економски предизвици поврзани со војната во Украина е потребна стабилна влада.

На крајот од обраќањето ги повика граѓаните да излезат на гласање и да ја поддржат владејачката опција, наведувајќи дека за победа се потребни околу три милиони гласови. Парламентарните избори во Унгарија се закажани за недела, 12 април.