ТРАМП ОТКРИ – Ако нема договор, цел Иран ќе биде уништен

Американскиот претседател, Доналд Трамп, синоќа изјави дека очекува САД да постигнат договор со Иран во наредните денови, а не во недели. Тој нагласи дека доколку не се постигне договор, САД ќе преземат „силни мерки“.

„Ако се случи, ќе се случи. Ако не, ќе ја уништиме целата земја“, рече Трамп, додавајќи дека би биле погодени „мостот и електраната“ во Иран.

На прашањето дали ова вклучува бомбардирање на цивилна инфраструктура, Трамп не сакаше да одговори, но додаде дека Техеран има „многу време“ да одговори на мировните услови.

Трамп претходно наведе дека постои можност договорот да се постигне до вторник и дека преговорите ги водат специјалните претставници Стив Виткоф и Џаред Кушнер. Тој обвини дека Иран се обидува да ги одложи разговорите, посочувајќи дека неодамна побарале петдневно одложување.

Трамп тврди дека иранските граѓани живеат во страв и сакаат САД да ја нападнат инфраструктурата на режимот, но дека Америка нема намера да се откаже од преговорите.

„Ние немаме намера да се откажеме“, изјави претседателот.

Трамп откри детали за операцијата за спасување на американскиот пилот од авионот Ф-15, кој беше погоден од ракета. Пилотот преживеал повеќе од 24 часа во планините, и покрај повредите. Испратил кратка порака преку радио: „Бог е добар“, која првично предизвикала сомнеж кај американските сили дека можеби станува збор за измама. Спасувањето го спровеле околу 200 специјални сили, со соработка со Израел, но главниот дел од акцијата бил американски.

Според Трамп, вториот член на екипажот бил спасен ноќе, по воспоставувањето привремена база, додека стотици членови на Иранската револуционерна гарда биле распоредени на терен.

Трамп оцени дека преговорите со Иран напредуваат, но дека доколку Техеран не постигне договор, САД ќе преземат „сериозни мерки“. Во меѓувреме, операцијата за спасување на пилотите била успешна и го покажала капацитетот на американските специјални сили.