ЏИЏИ ХАДИД КОНЕЧНО ПРОГОВОРИ ЗА ЕПСТИН – Никогаш не сум го запознала тоа чудовиште
Манекенката одговори на обвинувањата и ја откри вистината за својата кариера.
Манекенката Џиџи Хадид (30) за првпат јавно се огласи поради нејзиното име што се појави во документи поврзани со осудениот сексуален престапник Џефри Епстин. Хадид долго време молчеше, но сега реагираше откако еден следбеник на Инстаграм ја праша зошто не ја коментирала ситуацијата.
Името на Џиџи се појавило во е-порака од декември 2015 година, во која непозната личност го прашала Епстин:
„Како сестрите Хадид станаа модели и заработија толку многу пари?“
Епстин кратко одговорил:
„Знаеш.“ Личноста ја повторила претпоставката дека татко ѝ платил на агенцијата, на што Епстин возвратил: „Не. Затоа што ги следат упатствата, толку е едноставно.“
По месеци молчење, Хадид одлучи да се огласи. Во долгата порака на Инстаграм, таа напиша дека никогаш лично не го запознала Епстин и дека е згрозена од тоа што биле објавени такви шпекулации за нејзината кариера.
„Не коментирав претходно затоа што не сакав да ги засенам приказните на неговите вистински жртви. Но сакам да биде јасно: пораснав во привилегирани околности, но моите родители секогаш ме учеа на вредноста на напорната работа,“ објасни Хадид.
Таа додаде дека мајка ѝ лично ја водела на средби со моделски агенции во Њујорк непосредно пред нејзиниот 18-ти роденден, и дека потпишала договор со ИМГ во 2012 година, што ја отвори вратата за нејзината кариера.
„Да бидам спомената во тие документи кога имав 20 или 21 година е вознемирувачки. Сакам јасно да нагласам дека никогаш не сум имала никаква врска со тој одвратен човек. Нека гори во пеколот,“ заклучи Џиџи.