РУСИЈА СО УЛТИМАТУМ ДО ЕРМЕНИЈА – Изберете дали сакате во ЕУ или ЕАЕУ

Портпаролот на Кремљ, Дмитриј Песков, изјави дека Ерменија на крајот ќе мора да избере помеѓу Европската унија и Евроазиската економска унија (ЕАЕУ).

„Двата системи не се компатибилни и се различни оперативни системи. Во одреден момент ќе мора да се направи избор“, предупреди Песков, пренесува РИА Новости.

Според него, членството во ЕАЕУ носи значајни економски предности за Ерменија, вклучително побрз развој од просекот во ЗНД и поголеми приходи. Москва, додаде тој, покажува зголемен интерес за приоритетите на Ереван.

Песков истакна дека ерменските лидери сметаат дека во моментов ништо не ја попречува земјата да остане во ЕАЕУ.

„Ако се појават пречки, тие ќе ги проценат предностите и недостатоците и ќе донесат одлука“, додаде портпаролот.

Тој нагласува дека тоа е суверен избор на Ерменија.