КАКО БАНКА МУ ПОМОГНАЛА НА ЕПШТАЈН – 72,5 милиони долари за жртвите откриваат сè
Слични спогодби претходно постигнаа JPMorgan Chase (290 милиони долари) и Deutsche Bank.
Банка оф Америка се согласи да исплати 72,5 милиони долари на жртвите на Џефри Епштајн, кои тврдат дека банката овозможувала негови злосторства и профитирала од нив. Спогодбата не вклучува признавање вина од страна на банката.
Тужбата, поднесена минатата година, наведува дека банката им обезбедила сметки и услуги на Епштајн, неговата мрежа и на соработници како Гислен Максвел и Леон Блек. Жртвите тврдат дека банката не ги следела соодветно сметките и не пријавила сомнителни трансакции, вклучително и пари од сметката на Блек до Епштајн.
Судијата Џед Ракоф ќе одржи расправа во април за да ја одобри спогодбата. Спогодбата опфаќа жени кои биле сексуално злоупотребени од Епштајн или од неговата мрежа помеѓу 30 јуни 2008 и 6 јули 2019 година, а според адвокатите, најмалку 60 жени биле жртви во тој период.
Слични случаи против JPMorgan Chase и Deutsche Bank веќе се решени и „Џеј Пи Морган“ плати 290 милиони долари, а „Дојче Банк“ 75 милиони долари на жртвите.