БЕЗ НАВИВАЧИ, НО СО СРЦЕ – Охрид тргнува за Атина кон топ-4

Ракометниот клуб Охрид продолжува да ја пишува најуспешната страница во својата европска историја. Со пласманот во четвртфиналето на ЕХФ Европскиот Куп, клубот го потврди својот континуиран раст и сериозниот потенцијал на европската сцена.

Сега, охриѓани се пред нов предизвик и место меѓу четирите најдобри тима во натпреварувањето. Но, задачата нема да биде лесна: во четвртфиналето ќе се сретнат грчкиот гигант Олимпијакос.

Првиот натпревар се игра попладнево во Атина, а по договор меѓу двата клуба и препорака од ЕХФ, двата натпревари ќе се играат без присуство на гостински навивачи. Ова е последица на скандалот од минатата година, кога тимот на АЕК направи инцидент во финалето со Алкалоид во истото натпреварување.

Реваншот ќе се одигра на 4 април (сабота) од 18 часот во СРЦ „Билјанини извори“. Победникот од овој двомеч ќе обезбеди место во полуфиналето, каде ќе се сретне со победникот од дуелот меѓу Целје и Бузау.