НАСА ЈА ЛАНСИРА АРТЕМИС II – Прва човечка мисија околу Месечината по 50 години
Екипаж од четири астронаути ќе ја обиколи Месечината без слетување.
На 1 април, НАСА ќе ја лансира мисијата „Артемис II“, првата човечка мисија околу Месечината по повеќе од 50 години. Екипажот, составен од астронаутите Рид Вајсман, Виктор Гловер, Кристина Кох (НАСА) и Џереми Хансен (Канадска вселенска агенција), ќе патува во капсулата „Орион“ лансирана со ракетата „Space Launch System“ (SLS).
Мисијата ќе трае околу десет дена и нема да вклучува слетување на Месечината. Капсулата ќе ја обиколи и ќе се врати на Земјата, при што астронаутите ќе спроведат тестови на системите за живот, храна, вода и отстранување на јаглерод диоксид, како и реорганизација на просторот за четирите лица да работат и живеат во бестежински услови.
На околу шестиот ден, „Орион“ ќе помине на дистанца од 6.400 до 9.600 километри од Месечината, овозможувајќи им на астронаутите фотографии и снимки од делови од површината што никогаш не биле видени директно. Во еден момент капсулата ќе биде „зад“ Месечината, што привремено ќе го прекине контактот со контролата на мисијата.
Последниот ден ќе вклучува последно согорување на моторот за корекција на траекторијата, одвојување од сервисниот модул и повторно влегување во атмосферата со температури до 1.650°C. „Орион“ ќе го отвори падобраните за забавување на спуштањето и ќе слета во Тихиот Океан крај Калифорнија.
Мисијата „Артемис II“ е клучен чекор за враќање на луѓето на Месечината и подготовка за идните долготрајни мисии на нејзината површина.
