ПОЗНАТИ СИТЕ ОСМИНАФИНАЛИСТИ – Жрепката во петок, првите натпревари на 10 и 11 март

Реал Мадрид, Галатасарај и Пари Сен-Жермен се последните тимови што се пласираа во осминафиналето на Лига на шампиони. Претходно вечерва, пласман меѓу 16-те најдобри екипи преку плејофот обезбеди и Аталанта.

По шокантниот пораз од 5-2 во Истанбул минатата недела, Јувентус вечерва беше блиску до пресврт во Торино. Италијанскиот тим во регуларните 90 минути водеше со 3-0 со головите на Локатели (37’), Гати (70’) и Мекени (82’).

Сепак, „старата дама“ играше со играч помалку по исклучувањето на Кели во 47. минута и потклекна во продолженијата. Осимен (105+1’) и Јилмаз (119’) погодија за Галатасарај, кој со вкупни 7-5 се пласираше во осминафиналето, првпат од 2014 година.

Актуелниот европски првак ПСЖ одигра 2-2 против Монако во Париз и со вкупни 5-4 продолжува понатаму. Натпреварот имаше следен тек: Аклиуш (45’) донесе водство за Монако, Маркињос (60’) и Кварацхелија (66’) донесоа пресврт за ПСЖ, откако Монако остана со играч помалку по исклучувањето на Кулибали во 58’ и Тезе (90+1’) израмни за Монако, но гостите не успеаја да изборат продолженија

На „Сантијаго Бернабеу“, Реал Мадрид ја совлада Бенфика со 2-1 и со вкупни 3-1 го елиминира тимот на Жозе Мурињо. Натпреварот се одвиваше на начин што Рафа Силва (14’) донесе водство за Бенфика, Чуамени (16’) израмни додека Винисиус (80’) постигна победничкиот гол за „кралскиот клуб“.

Аталанта вечерта ја победи Борусија Дортмунд со 4-1 и со вкупни 4-3 го елиминира германскиот вицешампион.

Во осминалето одат следните тимови. Пласман преку плејоф обезбедија Атлетико Мадрид, Баер Леверкузен, Бодо/Глимт, Њукасл, Галатасарај, Реал Мадрид, ПСЖ и Аталанта.

Директно од лигашката фаза се пласираа Арсенал, Баерн Минхен, Ливерпул, Тотенхем, Барселона, Челзи, Спортинг и Манчестер Сити.

Жрепката за осминафиналето ќе се одржи в петок во Нион, а првите натпревари се закажани за 10 и 11 март.