РЕГИСТРАЦИЈА НА ДАНОЧНИ ОБВРЗНИЦИ – Бројките од јануари

Управата за јавни приходи информира дека е завршена постапката за регистрација и доброволна дерегистрација на даночните обврзници за ДДВ.

Според објавените податоци, во јануари се обработени сите поднесени барања, при што се извршила регистрација на 1.199 даночни обврзници, за кои се донесени решенија за задолжителна и доброволна регистрација.

Во истиот период, по барање за доброволна дерегистрација, регистрацијата кај 231 обврзник е прекината, а за нив се донесени соодветни решенија.

Рокот за поднесување на пријавите истече на 15 јануари.