КРАЈ НА ЕРАТА – Гвардиола го напушта „Етихад“

Пеп Гвардиола донесе одлука да го напушти Манчестер Сити по завршувањето на оваа сезона, потврдува фудбалскиот инсaјдер Фабрицио Романо.

Шпанскиот стратег ја предводи екипата од 2016 година и остави неизбришлива трага во клубот, освојувајќи ги сите значајни трофеи, вклучувајќи ја и историската титула во Лигата на шампионите. Без оглед на исходот од актуелната сезона, Гвардиола одлучи дека е време да ја заврши својата ера на „Етихад“.

Според Романо, негов наследник ќе биде Енцо Мареска. Италијанецот, кој неодамна го напушти Челси, ќе го преземе кормилото на Манчестер Сити, а неговата главна мисија ќе биде да го продолжи наследството на Гвардиола и успехот на клубот.