СЕ КРЧКА НОВА СИЛНА ВОЈСКА – Европска армија на хоризонтот

Лидерот на Европската народна партија (ЕПП), Манфред Вебер, денес на Минхенската безбедносна конференција истакна дека ЕУ треба да формира своја армија.
За време на панел за популизам, на кој учествуваа и чешкиот претседател Петр Павел и американската конгресменка Александра Окасио-Кортез, Вебер рече дека единствена војска ќе ги направи одбранбените трошоци на европскиот блок поефикасни, иако призна дека тоа е долг процес, пренесува порталот Politico.

Тој предложи европските војници да дејствуваат под заедничко знаме, вклучително и во Украина, нагласувајќи дека „мора да бидеме амбициозни“.

Во последните недели, Вебер изнесе низа предлози со цел да ѝ се даде на ЕУ поголема меѓународна улога. Идејата за „европско знаме“ во Украина доби ладен одговор од германскиот канцелар Фридрих Мерц, наведува порталот.

Вебер зборуваше и за искуството на десничарските партии во борбата против екстремната десница во Европа, споменувајќи ја победата на полскиот премиер Доналд Туск во 2024 година. Тој потенцира дека ЕПП нема да соработува со партии кои не ги следат трите принципи: проевропски, проукраински и провладеење на правото.

Како пример за оваа посветеност, Вебер го наведе исклучувањето на унгарскиот премиер Виктор Орбан од групата ЕПП, како знак дека партијата не се држи до овие принципи.