ЖЕНСКИОТ ФУДБАЛ ДОБИ НОВА ЅВЕЗДА – Ќерката на НБА легендата Денис Родман, Тринити заработува 2 милиони по сезона

Американската фудбалерка Тринити Родман, ќерка на поранешниот НБА играч Денис Родман, стана најплатената фудбалерка во светот со потпишувањето нов тригодишен договор со Вашингтон Спирит, објави Би-Би-Си.

Според договорот, кој ќе трае до крајот на 2028 година, Родман ќе заработува два милиони долари по сезона, вклучувајќи ги и бонусите.

„Тешко е да се опише како се чувствувам. Ова е вистинска пресвртница за женскиот фудбал. Многу сум среќна и благословена“, изјави 23-годишната Родман.

Досега, најплатена фудбалерка беше Шпанката Аитана Бонмати, членка на Барселона, која три пати беше прогласена за најдобра фудбалерка во светот (2023, 2024 и 2025 година).

Родман дебитираше за американската репрезентација во 2022 година, а на Олимписките игри во Париз во 2024 година ја предводеше САД до освојување на златниот медал.