ЦЕЛА НОЌ ГИ АНАЛИЗИРАМ – Лазаров го подготвува планот против Португалија

По поразот од Данска, македонската ракометна репрезентација веќе го насочува фокусот кон следниот противник Португалија. На вчерашниот утрински брифинг со новинарите селекторот Кирил Лазаров истакна:

„Португалија е одличен тим и дојдени се со амбиција да се борат за медал. Но, не се на нивото на Данска. За нас најважно е да настапиме подобро отколку што игравме во првиот натпревар. Сите посакуваме изненадување. Португалците се фаворити, а ние ќе направиме сè за да им ги нарушиме плановите. Тие веруваат дека можат до подиум, а јас цела ноќ ги анализирам.“

Македонската селекција вториот натпревар го игра вечерва (недела) од 18 часот во Хернинг.