НАПНАТ ДУЕЛ ВО МАЛМЕ – Хрватска ја совлада Грузија со 32:29

Хрватската ракометна репрезентација триумфално го започна Европското првенство, победувајќи ја Грузија во Малме со 32:29.

Грузијците подобро го отворија натпреварот и на моменти водеа со шест гола разлика (12:6), но Хрватите брзо ја покажаа својата класа и успеаја да се вратат, па полувремето заврши со 15:14 во нивна корист.

Во второто полувреме Хрватска ја задржа предноста и покрај упорноста на противникот, за конечна победа. Најефикасни за Хрватска беа Шоштариќ со осум и Циндриќ со шест гола, додека Цховребадзе со седум гола беше најдобар стрелец за Грузија.

Во следното коло, Хрватска ќе игра против Холандија, а Грузија ќе се соочи со Шведска. Вечерва се игра и дуелот Холандија – Шведска.