СЕ ПРЕВРТЕ АВТОБУСОТ СО КИПАРСКИТЕ РАКОМЕТАРИ – Нема сериозно повредени
Несреќата се случила рано наутро, патот бил под снег, федерацијата апелира на смиреност
Автобусот со кој машката ракометна репрезентација на Кипар се пренесувала од Талин до Пилва во Естонија, веројатно поради снегот, се превртел, но нема сериозно повредени. Единствено двајца членови на делегацијата биле пренесени во болница, додека останатите се во добра состојба, соопшти Кипарската ракометна федерација.
Несреќата се случила рано наутро, а федерацијата апелира на смиреност и нагласува дека се преземаат сите мерки за безбедно враќање на тимот. Амбасадата на Кипар во Финска, која ги покрива и Естонија, е во контакт со федерацијата и е подготвена за помош.
Според медиумите и видеата објавени од местото на несреќата, патот бил под снег. Реванш натпреварот со Естонија за Promotion Round на ЕХФ ЕУРО 2028 е закажан за утре во 19 часот, но федерацијата разгледува дали натпреварот ќе се одржи.
