ОСУДЕН ВИСОК ФУНКЦИОНЕР НА СДСМ Поранешниот директор на „Шутка“ доби ефективен затвор
Основниот кривичен суд Скопје го прогласи за виновен поранешниот директор на истражниот затвор „Скопје“ за злоупотреба на службената положба.
Поранешниот директор на истражниот затвор „Скопје“ во Шуто Оризари, Филип Андов, познат како Сокол, е прогласен за виновен и осуден на осум месеци ефективна затворска казна. Пресудата денеска ја објави Основниот кривичен суд Скопје во предметот „Затвор Скопје“, во кој Андов беше обвинет за злоупотреба на службената положба и овластување.
За разлика од него, останатите обвинети во случајот добија условни казни. Судот ги огласи за виновни сите инволвирани, утврдувајќи одговорност за злоупотреби и несовесно работење во рамки на затворската установа.
Пресудата следи по судскиот процес во кој се утврдуваше одговорноста на раководството и дел од вработените за сериозни пропусти во работењето на истражниот затвор.
Да потсетиме, при последните кадровски измени во СДСМ Филип Андов стана висок партиски функционер со неговиот избор во Извршниот одбор на партијата.
