МЕНДИ ЌУРА И ОПШТИНА СТРУГА ДОБИЈА ПРЕКРШОЧНА ПРИЈАВА Немаше државно знаме на Денот на албанското знаме во Струга

ОВР Струга поднесе барање за поведување прекршочна постапка против Општина Струга и против одговорното лице Менди Ќура (65) од село Биџево, поради непочитување на член 6 од Законот за употреба на знамиња на заедниците, казниво по член 11 од истиот закон.

Причината за пријавата е настанот по повод Денот на албанското знаме, кој се одржа на 28 ноември 2025 година на улицата „Маршал Тито“ во Струга. На бината и на дел од кејот на реката Црн Дрим, покрај знамето на заедниците, не било истакнато државното знаме на Република Северна Македонија, како што налага законот.

Менди Ќура и Општина Струга сега се соочуваат со прекршочна постапка за непочитување на законската обврска за истакнување на државното знаме. Настанот привлече големо внимание поради присуството на граѓани и локални политичари, а отсуството на државното знаме предизвика реакции и кај граѓаните и кај медиумите.