ПО РАЗДЕЛБИТЕ СО ПОРАНЕШНИТЕ ПАРТНЕРИ, НОВА ЉУБОВ – Трудо и Пери фотографирани заедно

Романтиката меѓу Џастин Трудо и Кети Пери продолжува, откако двојката беше забележана на прошетка низ улиците на Токио. На неодамнешните фотографии, тие се држеа за раце, уживајќи во вечерниот излет.

Кети Пери имаше вечерен состанок со Трудо пред нејзиниот концерт во рамките на турнејата „Лајфтајмс“ на 3 декември во Јапонија. Двојката беше фотографирана во Асакуса, популарна туристичка дестинација, пред да се упати кон ресторанот „Асакуса Сумо Стејбл Анекс“ за оброк.

Кети Пери е во Токио поради јапонската етапа од нејзината турнеја „Лајфтајмс“ и ќе настапи во Саитама Супер Арена на 3 декември. Турнејата ќе заврши на 7 декември во Абу Даби.

Гласините за врска меѓу Пери и Трудо се појавија кон крајот на јули, кога беа видени на прошетка низ паркот Маунт Ројал во Монтреал. Иако првично се обидуваа да ја одржат врската приватна, извори потврдија во октомври дека односот станал сериозен.

„Оваа врска е веќе доста сериозна и дефинитивно се движи во таа насока. Тие се вистински пар и се гледаат што е можно почесто“, сподели еден инсајдер за People. Двојката го имаше своето прво јавно појавување на 25 октомври во Париз, излегувајќи од „Crazy Horse Paris“.

Врската меѓу Трудо и Пери доаѓа по разделбата на Пери со поранешниот свршеник, Орландо Блум, и по разводот на Трудо со сопругата Софи Грегоар во 2023 година, по 18 години брак.