ТАТКОТО НА ЗАГИНАТАТА ВО ПУЛС Обвинетите добиваат медумски простор како да се оштетени

Таткото на загинатата Надица Наунова, Александар Наунов, по денешното рочиште за трагедијата во Кочани, изрази загриженост поради фактот што обвинетите и понатаму добиваат медиумски простор за изјави и јавни настапи, иако се соочуваат со сериозни обвиненија поврзани со настанот во кој беа „уништени 63 животи и засегнати 200 семејства“.

„Обвинетите се однесуваат како да се тие оштетени. Како да не знаат за што се обвинети и како да слушаат првпат дека дискотеката „Пулс“ постоела – изјави Наунов.

Тој додаде дека, иако правото на одбрана е неприкосновено во секоја правна држава, исто така е важно јавниот дискурс да биде чувствителен кон жртвите.