ФРАНЦИЈА ПОВТОРНО ВОВЕДУВА ВОЕН РОК Што значи тоа за младите?

Францускиот претседател Емануел Макрон објави значајна одлука за воведување на доброволна воена служба за млади, која ќе започне од следното лето. Оваа иницијатива е насочена кон младите луѓе на возраст од 18 до 19 години, со цел да се зајакне одбранбената способност на земјата. Според плановите, до 2035. година, Франција планира да прими до 50.000 доброволци годишно.

Макрон истакна дека иако не може да се врати на обавезната регрутација, потребна е мобилизација на нацијата за сопствена одбрана. “Не се работи за борба против конкретен непријател, туку за подготвеност и почит”, рече тој. Службата ќе трае 10 месеци и ќе се одвива исклучиво на територијата на Франција.

Според претседателот, целта на новата национална служба е да се зајакне одбранбената подготвеност на земјата. Младите ќе можат да се пријават доброволно за време на Денот на државјанството и одбраната, а програмата ќе биде во целост воена. Во случај на голема криза, парламентот ќе може да одобри мобилизација на дополнителни млади луѓе со претходно евидентирани вештини, но таква ситуација ќе биде исклучок.

Макрон нагласи дека доброволците не ќе бидат испратени на првата линија на фронтот и дека програмата не предвидува учество во конфликтот во Украина. Оваа иницијатива ќе биде отворена и за жени, а детали за планот ќе бидат објавени наскоро.

Франција планира да зголеми воените трошоци за дополнителни 6,5 милијарди евра во следните две години, со цел до 2027. година да достигне годишни трошоци од 64 милијарди евра за одбрана, што е двојно повеќе од времето кога Макрон ја презеде функцијата во 2017. година.

Во моментов, француската војска брои околу 200.000 активни војници и повеќе од 40.000 резервисти, со план за зголемување на бројот на резервисти на 100.000 до 2030. година. Обавезната воена служба во Франција беше укината во 1997. година, но некои европски земји, како Германија и Полска, исто така, воведуваат нови програми за доброволна воена служба.

Оваа одлука на Макрон предизвикува различни реакции во јавноста, а многумина се прашуваат какви последици ќе има за младите и за безбедноста на Франција во иднина.