ВАКЦИНАЦИЈА ПРОТИВ СЕЗОНСКИ ГРИП Тимови од здравствени установи ќе излегуваат кај повозрасни и лица со попреченост

Министерството за здравство информира дека околу 60 илјади граѓани се пријавиле за вакцинација против сезонски грип, а досега се вакцинирани повеќе од 8 илјади лица.

Вакцинацијата се спроведува на 35 вакцинални пунктови низ државата, од кои пет се во Скопје. Заинтересираните граѓани можат да се пријават преку апликацијата vakcinacija.mk или преку матичен лекар.

Бесплатната вакцинација опфаќа ризични категории – повозрасни над 65 години, лица со хронични заболувања, здравствени работници, бремени жени, деца од 6 месеци до 5 години, како и лица и вработени во установи за социјална заштита на стари лица.

Превентивни тимови од здравствени установи ќе спроведат вакцинација и во домашни услови за повозрасни, неподвижни лица и лица со попреченост. Табела со контакт-телефони за закажување вакцинација е достапна преку Министерството.