МИНИСТЕРОТ ЗА ВНАТРЕШНИ – Изборите минаа фер, уапсени 11 лица
Тошковски потврди дека е приведено и едно лице вработено во Државната изборна комисија, но во моментот на приведувањето тоа не извршувало службени задачи.
Министерот за внатрешни работи, Панче Тошковски, изјави дека локалните избори се одвиле во главно фер и демократска атмосфера, без посериозни нарушувања на јавниот ред и мир.
Според него, лишени од слобода се 11 лица поради поткуп, фотографирање или уништување на гласачко ливче. Четворица се ослободени, а седум остануваат во притвор за понатамошна постапка. Пријавени биле и седум случаи со наводна инволвираност на полициски службеници, но во шест од нив не се утврдиле неправилности.
Регистрирани се и 19 објави на социјалните мрежи поврзани со изборниот процес, кои ќе бидат дополнително проверени.
Тошковски потврди дека е приведено и едно лице вработено во Државната изборна комисија, но во моментот на приведувањето тоа не извршувало службени задачи.
„Лицето е лишено од слобода затоа што одбило да се идентификува“, додаде тој.
