(ВИДЕО) ВИЛИЈАМ МИХАЈЛОВСКИ ПРАВИ ПРЕСВРТ ЗА 27 АПРИЛ – Поднесе два правни лекови со нови факти и докази
Од Единствена Македонија очекуваат надлежните институции да постапат во разумен рок, со оглед на тежината на пресудите за 27 април кои, како што нагласуваат, и денес предизвикуваат контроверзии во јавноста.
Единствена Македонија ја информира јавноста дека претседателот на Комисијата на Единствена Македонија за внатрешна безбедност, одбрана, правда и политички затвореници, Вилијам Михајловски – осуден на 13 години затвор за собраниските настани од 27 април – поднел два вонредни правни лекови:
-
Барање за повторување на постапката до Основниот кривичен суд Скопје, и
-
Предлог до Јавниот обвинител на Република Македонија за поднесување Барање за заштита на законитоста до Врховниот суд.
Од партијата велат дека на големо задоволство на неправедно осудените и нивните семејства, се дојдени до нови факти и докази врз кои се темелат овие два правни механизми.
„Овие нови факти и докази се доволни за повторно отворање на главната расправа и конечно исправување на неправдата,“ стои во соопштението.
Од Единствена Македонија очекуваат надлежните институции да постапат во разумен рок, со оглед на тежината на пресудите за 27 април кои, како што нагласуваат, и денес предизвикуваат контроверзии во јавноста.
„Времето на неправдата истекува. Сè ќе си дојде на свое место,“ порачуваат од партијата.
Подоле можете да ги видите интегрално двата вонредни прави лекови и видео изјавите на Вилијам Михајловски и претседателот на Единствена Македонија Јанко Бачев.
