ПУТИН НА СОСТАНОК СО ВОЕНОТО РАКОВОДСТВО – „Украинските напади длабоко во Русија нема да му помогнат на Киев“
На состанок со високите воени команданти, Путин рече дека украинската страна се обидува да покаже напредок пред западните сојузници, иако, според него, нејзините сили се повлекуваат на повеќе делови од фронтот.
Рускиот претседател Владимир Путин повторно изјави дека Москва останува посветена на своите воени цели во Украина, нагласувајќи дека неодамнешните украински напади на руската територија „нема да донесат успех“ за Киев.
На состанок со високите воени команданти, Путин рече дека украинската страна се обидува да покаже напредок пред западните сојузници, иако, според него, нејзините сили се повлекуваат на повеќе делови од фронтот.
Рускиот лидер, кој вчера го прослави својот 73-ти роденден, побара да се засилат мерките за заштита на цивилната инфраструктура и енергетските објекти по неодамнешните украински напади со дронови и проектили.
Путин тврдеше дека руските сили ја имаат „стратешката иницијатива“ и дека годинава зазеле околу 4.900 квадратни километри територија и повеќе од 200 села во Украина – податоци кои не може независно да се потврдат.
Началникот на Генералштабот, Валери Герасимов, додаде дека сегашниот приоритет на руската армија е уништување на украинските капацитети за производство на дронови и проектили, наведувајќи напредок во регионите Доњецк, Запорожје и Дњепропетровск.
