НАГЕЛСМАН ЈА ОБЈАВИ ЛИСТАТА НА ФУДБАЛЕРИ Шест промени и без повредени играчи!
Селекторот на фудбалската репрезентација на Германија, Јулијан Нагелсман, денеска објави список на играчи за предстоечките квалификациски натпревари за Светското првенство. Во новата селекција има дури шест промени, а интересен е фактот дека нема многу повредени играчи, што е позитивна вест за тимот.
На списокот се враќа штиперот Нико Шлоторбек, додека напаѓачот Никлас Филкруг останува надвор од составот. Германија ќе мора да игра без неколку стандардни првотимци, вклучувајќи ги Антонио Ридигер, Каи Хавертц, Џамал Мусијала и голманот Марк-Андре тер Штеген. И покрај лошиот старт на сезоната во Ливерпул, Флоријан Вирц успеа да задржи своето место во репрезентацијата.
Германскиот тим, кој моментално е на 12-то место на ФИФА ранг-листата, ќе се соочи со Луксембург на 10-ти октомври, а три дена подоцна ќе гостува во Белфаст против Северна Ирска. Шлоторбек се враќа во составот по шестомесечна пауза поради повреда на коленото, додека Филкруг не е повикан поради недостаток на голови и асистенции во дресот на Вест Хем.
На списокот се најдоа и нови лица, како што е напаѓачот Ник Волтемаде од Нјукасл, кој ова лето пристигна за 79 милиони евра и веќе постигна три гола во Премиер лигата.
Списокот на играчи е следниот:
Голмани: Оливер Бауман (Хофенхајм), Фин Дамен (Аугсбург), Александер Нубел (Штутгарт)
Одбрана: Роберт Андрих (Бајер Леверкузен), Валдемар Антон (Борусија Дортмунд), Ридле Баку (РБ Лајпциг), Натанјел Браун (Ајнтрахт Франкфурт), Робин Кох (Ајнтрахт Франкфурт), Давид Раум (РБ Лајпциг), Нико Шлоторбек (Борусија Дортмунд), Џонатан Тах (Бајерн Минхен)
Везен ред: Карим Адејеми (Борусија Дортмунд), Надим Амири (Маинц), Серџ Гнабри (Бајерн Минхен), Леон Горецка (Бајерн Минхен), Јошуа Кимих (Бајерн Минхен), Џејми Левелинг (Штутгарт), Феликс Нмеча (Борусија Дортмунд), Александер Павловиќ (Бајерн Минхен), Анџело Стилер (Штутгарт), Флоријан Вирц (Ливерпул)
Напад: Максимилијан Бајер (Борусија Дортмунд), Џонатан Буркарт (Ајнтрахт Франкфурт), Ник Волтемаде (Нјукасл).
