ŠKODA EPIQ ПРЕТСТАВЕНА ВО МИНХЕН – Најмал и најдостапен електричен SUV на брендот со цена од 25.000 евра

На саемот IAA Mobility во Минхен, Škoda го претстави својот нов електричен SUV – Epiq, најмал и најдостапен модел во гамата. Со должина од 4,1 метар, багажник од 475 литри и домет до 425 километри, Epiq е замислен како практичен семеен автомобил.

Моделот го носи новиот дизајнерски јазик Modern Solid, со „Tech-Deck“ маска и Т-образни LED светла, а во внатрешноста се очекува комбинација на 11-инчен дигитален панел и 13-инчен инфотејнмент екран.

Epiq ќе користи MEB Entry платформа со преден електромотор од 208 КС и ќе се произведува во Шпанија. Продажбата започнува во 2026 година, со почетна цена околу 25.000 евра, а конкуренти ќе му бидат модели како Ford Puma Gen-E, Jeep Avenger, Renault 4 E-Tech и Mini Aceman.