БАЕРН МИНХЕН ПРЕД НЕВОЗМОЖНА МИСИЈА Откупот на Џексон под знак прашалник

Откупот на Николас Џексон од Баерн Минхен се чини дека е на пат да стане невозможна мисија. Новите информации за договорот помеѓу Баерн и Челси откриваат значајни детали кои ја комплицираат ситуацијата. Баерн Минхен, кој веќе плати 16.500.000 евра за едногодишна позајмица, ќе мора да издвои дополнителни 65.000.000 евра за откуп, но тоа зависи од исполнувањето на одредени услови.

Според сигурни извори, условот за активирање на откупот е Џексон да одигра најмалку 40 натпревари, при што натпреварите од Купот на Германија не се вклучени во овој број. Со оглед на тоа што веќе се одиграа две кола во Бундеслигата, Џексон има пред себе уште 32 натпревари за да ги исполни условите. Понатаму, во Лигата на шампионите, максималниот број натпревари што може да ги одигра е 17, но тоа зависи од напредувањето на Баерн во турнирот.

Ако Баерн успее да стигне до финалето, а претходно да биде во плеј-офот, можноста за максимален број натпревари во ЛШ е 15. Тоа значи дека до крајот на сезоната, со Бундеслигата, Џексон може да одигра вкупно 47 натпревари. Сепак, со оглед на сложеноста на условите, Баерн не е обврзан да го откупи Џексон, што создава дополнителни прашања за иднината на овој фудбалер.