„ИНЖЕНЕРСКИ ПРСТЕН 2025“ ВО ОХРИД – На 14 млади инженери од државните универзитети ќе им биде доделено признанието

На свечена церемонија во Охрид денеска ќе им биде врачено признанието „Инженерски прстен 2025“ на 14 најуспешни млади инженери. Признанието ќе го додели претседателката Гордана Сиљановска-Давкова на платото пред црквата „Св. Климент и Пантелејмон“ – Плаошник.

Манифестацијата, која се одржува по 22. пат, е во организација на Инженерската институција на Македонија и Комората на овластени архитекти и инженери, под покровителство на претседателот на државата.