83. ЗЛАТЕН ГЛОБУС – Големото шоу на црвениот тепих во Лос Анџелес

Во ноќта од недела кон понеделник ќе се одржи 83-тата церемонија на доделување на наградите „Златен глобус“ во хотелот „Беверли Хилтон“ во Лос Анџелес, еден од најочекуваните настани во светот на кинематографијата.

Настанот ќе биде емитиран во живо на CBS, а пристигнувањето на ѕвездите на црвениот тепих ќе може да се следи на YouTube каналот на „Variety“ почнувајќи од 00:30 часот. Водителка на церемонијата ќе биде Ники Глејзер, а меѓу презентерите се очекуваат познатите личности како Аманда Сејфрид, Ана де Армас, Чарли xcx, Орландо Блум, Памела Андерсон, Снуп Дог и Џорџ Клуни.

Во категоријата за филмови, „One Battle After Another“ предводи со девет номинации, следен од „Sentimental Value“ со осум, „Sinners“ со седум и „Hamnet“ со шест номинации. Други номинирани филмови се „Bugonia“, „Frankenstein“, „KPop Demon Hunters“, „Jay Kelly“, „It Was Just an Accident“, „Marty Supreme“, „No Other Choice“, „The Secret Agent“ и „Wicked: For Good“.

Кога станува збор за телевизиски серии, „White Lotus“ ја предводи листата со шест номинации за третата сезона. Следуваат „Adolescence“ со пет номинации и „Severance“ со четири. Меѓу номинираните се и „Abbort Elementary“, „The Bear“, „The Beast in Me“, „The Diplomat“, „Hacks“, „Nobody Wants This“, „Only Murders in the Building“, „The Pitt“, „Pluribus“ и „The Studio“.

Оваа година е воведена и нова категорија – „Best Podcast!“, во која се номинирани „Armchair Expert with Dax Shepard“, „Call Her Daddy“, „Good Hang with Amy Poehler“, „The Mel Robbins Podcast“, „SmartLess“ и „Up First from NPR“.