2.139 ОВЧАРИ ДОБИЈА ИСПЛАТА ОД 1.021.527.000 ДЕНАРИ – Еве како да бидете следни

Агенцијата за финансиска поддршка во земјоделството и руралниот развој денеска исплати 1.021.527.000 денари на 2.139 одгледувачи на овци. Исплатата е реализирана по Мерка 2.6 – директни плаќања за обележани грла овци постари од 12 месеци, во рамките на Програмата за финансиска поддршка во земјоделството за 2025 година.

Министерството за земјоделство, шумарство и водостопанство истакна:

„Остануваме посветени на оваа сточарска гранка.“

Услови за користење на подмерката:

• Поддршката е наменета за земјоделски стопанства кои поседуваат минимум 30 овци постари од 12 месеци на денот на поднесување на барањето и се евидентирани во Регистарот на одгледувалишта на овци/кози.
• Одгледувачите треба да ги чуваат овците најмалку до 30 ноември 2025 година.
• Земјоделците кои предале или заклале јагниња во регистрирани преработувачки капацитети запишани во Регистарот на одобрени објекти за производство на храна од животинско потекло, можат да ја користат подмерката.
• За 2025 година, корисниците мора да имаат предадено или заклано јагниња најмалку 50% од бројот на декларираните овци.
• Висината на директните плаќања е 3.000 денари по грло.