ЗЕМЈОТРЕС ГО РАЗБУДИ ОХРИД НОЌЕСКА Епицентар во езерото

Телеметриската сеизмолошка мрежа на Република Македонија, одржувана од Сеизмолошката опсерваторија при Природно-математичкиот факултет во Скопје, на 00:33 часот по полноќ регистрираше земјотрес со епицентар во пограничното подрачје со Република Албанија, поточно во јужниот дел на Охридското Езеро, на околу 120 километри југозападно од Скопје.

Земјотресот имаше локална Рихтерова магнитуда од ML2.4.

Според досегашните податоци, земјотресот бил почувствуван во Охрид и неговата околина со интензитет од III–IV степени според Европската макросеизмичка скала (EMS).