ЗАПОЧНА АПЛИЦИРАЊЕТО ЗА ВАУЧЕРИ Студентите добиваат 15.300 денари за електронски уреди
Аплицирањето трае до 20 декември, а ваучерите ќе можат да се подигнат до 31 декември 2025 година.
„Ветеното го реализиравме. Од вчера официјално започна процесот на аплицирање за набавка на електронски уреди. Студентите ќе ги добијат ветените 250 евра, односно 15.300 денари, за купување лаптоп, таблет или персонален компјутер“, соопштуваат од Владата.
Мерката опфаќа сите студенти до 29 години кои во учебната 2025/2026 година имаат запишано семестар на додипломски студии, без разлика дали студираат на државни или приватни факултети. На располагање се издвоени 850 милиони денари од државниот буџет.
„Со оваа мерка директно им помагаме на семејствата и ги намалуваме трошоците поврзани со студирањето“, дополнуваат од Владата.
Аплицирањето трае до 20 декември, а ваучерите ќе можат да се подигнат до 31 декември 2025 година. Условите и сите детали се објавени на веб-страницата на Владата.
Линкот за аплицирање е јавно достапен и отворен за сите студенти:
https://vlada.mk/mk-MK/odnosi-so-javnost/soopstenija/vlada-zapocna-apliciranjeto-za-elektronski-vauceri-za-studenti-preku-nacionalniot-portal-za-e-uslugi
„Ги повикуваме студентите навремено да аплицираат и да ја искористат оваа можност. Владата продолжува посветено да работи на мерки за подобрување на условите за студирање. Студентите се иднината на Македонија и наша должност е да им обезбедиме квалитетно образование“, стои во соопштението.
